दमौली खबर संवाददाता
तनहुँ, भदौ २४ गते
जेसिआई व्यास नगरद्धारा दमौलीमा आयोजित ‘व्यास नगर साइनिङ स्टार– २०२३’ को उपाधि दमौली स्थित सत्यवती माविकी छात्रा सदिक्षा रानाले जिप्नु भएको छ ।
शुक्रबार राती सम्पन्न भएको प्रतियोगितामा सहभागि १९ जना प्रतिस्पर्धीलाई पछि पार्दै रानाले उक्त उपाधि चुम्नु भयो । उपाधिसँगै रानाले नगद २५ हजार २३ नगद तथा प्रमाणपत्र प्राप्त गर्नुभयो । प्रतियोगितामा विजयी रानालाई व्यास नगरप्रमुख वैकुण्ठ न्यौपाने जेसिआई व्यास नगरका अध्यक्ष राजु रानाले सयुक्त रुपमा पुरस्कार प्रदान गर्नुभयो । प्रतियोगितामा आभा श्रेष्ठ फस्ट रनर अप हुनु भयो । श्रेष्ठ ले १५ हजार २३ र सदिक्षा थापा मगर सेकेण्ड रनर अप हुनुभयो । थापामगरले १० हजार २३ प्राप्त गर्नुभयो ।
सामाजिक क्षेत्रमा क्रियाशिल बन्दै आएको जेसिआई व्यास नगरले बालबालिकाको प्रतिभा प्रस्फुटनका लागि हरेक वर्ष प्रतियोगिता गर्दै आएको छ । पुरस्कार वितरण कार्यक्रमका प्रमुख अतिथि नगर प्रमुख न्यौपानेले जेसिजले प्रतियोगिताको आयोजना गरेर बालबालिकाको चौतर्फी विकासको लागि महत्वपूर्ण योगदान दिन सफल भएको बताउनुभयो । साथै नगर प्रमुख न्यौपानेले जेसिज आगामी दिनमा पनि यस्ता रचनात्मक कार्यलाई निरन्तरा दिनु पर्ने बताउनुभयो । उपाधि जिप्नु भएकी रानालाई सत्यवती माविले बधाई ज्ञापन गरेको छ । विद्यालय व्यवस्थापन समितिका अध्यक्ष करुणराज काफ्ले, प्रधानाध्यापक पुष्पकला भट्टराई तथा शिक्षक अभिभावक संघका अध्यक्ष सोमराज सिग्देले बधाई ज्ञापन गर्नु भएको हो ।
