<span;>नेपाल रेडक्रस सोसाइटी जिल्ला शाखा तनहुँले बुधबार एक समारोहका बीच भर्खरै तनहुँ सरुवा भएर आउनुभएका प्रमुख जिल्ला अधिकारी श्याम कृष्ण थापा,प्रहरी उपरीक्षक वीरेन्द्र बहादुर शाही त्यसैगरी राष्ट्रिय अनुसन्धान विभाग तनहुँका प्रमुख कमलप्रसाद भट्टराईलाई स्वागत गरेको छ। नेपाल रेडक्रस सोसाइटी जिल्ला शाखा तनहुँका सभापति एवं केन्द्रीय सदस्य प्रा. डा. कृष्ण प्रसाद गौतमको सभापतित्वमा कार्यक्रम सम्पन्न भएको थियो। कार्यक्रममा प्रमुख अतिथिको रुपमा बोल्नुहुँदै प्रमुख जिल्ला अधिकारी थापाले आफू पहिलेदेखि नै नेपालरेडक्रस सोसाइटीसँग आबद्ध भएर विभिन्न तालिमहरूमा सहभागी भएको बताउँदै रेडक्रस मानवीय संस्था भएकोले यसले विपदको समयमा काम गर्दै आएकोमा आफूबाट हुने सम्पूर्ण सहयोग रहने बताउनुभयो । तनहुँ शाखाले विपतको समयमा मात्र नभई शिक्षा स्वास्थ्य का क्षेत्रमा पनि काम गर्दै आएकोमा खुसी व्यक्त गर्नुभयो। कार्यक्रमको स्वागत मन्तव्य जिल्ला शाखा तनहुँका उपसभापति नारायणी अधिकारीले गर्नुभएको थियो । कार्यक्रममा गण्डकी प्रदेशका महासचिव रामदत्त पौडेल, उपसचिव कृष्णचन्द्र पाण्डे, जिल्ला उपसभापति कमलभक्त पोख्रेल, कोषाध्यक्ष प्रतापसिंह अधिकारी, सदस्यहरू केशवराज पोख्रेल, केस माया गुरुङ, सरस्वती थापा, सुमन थापा लगायतको उपस्थिति थियो। साथै उपशाखाबाट पनि प्रतिनिधित्व रहेको थियो। कार्यक्रमको सहजीकरण शाखाका मन्त्री सुर्यचन्द्र हड्खलेले गर्नुभएको थियो।
