दमौली खबर संवाददाता
तनहुँ, भदौ ३१ गते
दमौली स्थित मादी नदीमा बिहीबार साँझ ६ः३० पौडी खेल्ने क्रममा बगाएर एक युवक बेपत्ता हुनु भएको छ । जिल्ला तनहुँ ऋषिङ गाउँपालिका – १ झापुटार बस्ने बर्ष १८ को शक्ति थापा मगर बेपत्ता हुनु भएको प्रहरीे जनाएको छ ।
नदीले बगाई बेपत्ता भएको भन्ने सुचना प्राप्त हुन साथ जिल्ला प्रहरी कार्यालय तनहुँबाट खटि गएको प्रहरी टोली र स्थानीय मानिसहरुको सयुँक्त टोलीद्धारा निजको खोजतलास भईरहेकोमा हालसम्म फेला नपरेको जिल्ला प्रहरी कार्यालय तनहुँका प्रहरी नायव उपरीक्षक मोहनबाहादुर खाँडले जानकारी दिनुभयो ।
उक्त घटना सम्बन्धमा थप अनुसन्धान भइरहेको उहाँले जानकारी दिनुभयो । थापा व्यास नगरपालिका–५ परासर स्थित मादी नदीबाट पौडी खेल्ने क्रममा वेपत्ता हुनु भएको प्रहरीले जनाएको छ ।
