दमौली खबर संवाददाता
दमौली, माघ ११
तनहुँको व्यास नगरपालिका–११, पोल्याङ, खनालगाउँ जम्मघर भई हाल काठमाडौं निवासी गीतकार कमल खनालको ‘‘आफैभित्र स्वतन्त्रता खोज्न गारो भो ’’ बोलको गीत सार्वजानिक भएको छ । गीतकार खनालले आफ्नै कमल खनाल नामक युवटुब च्यानल मार्फत अडियो सार्वजानिक गर्नु भएको हो ।
गीतमा चर्चित गायक स्वरुपराज आचार्यको श्वर रहेको छ भने वरिष्ट संगितकार शान्तिराम राइको सुमधुर संगीत गरेको छ । नयाँ एवं फरक परिवेशमा रचना गरिएकोले गीतले दर्शक तथा स्रोताको मन जिप्ने विश्वास लेखकले लिनु भएको छ । गीतकार खनालको दुई दर्जन बढी गीत रेकर्ड भईसकेका छन् । राष्ट्रिय खेलकुद परिषदका पूर्व सचिव खनालले ‘म मान्छे खोजिरहेछु’ पुस्तक समेत प्रकाशित गरिसक्नु भएको छ ।
गीतकार खनालले आफ्नै च्यानलबाट चार महिना अघि शिव परियारको आवाजमा रहेको ‘‘दोष कसलाई दिउँ’’बोलको गीत पनि सार्वजानिक गर्नु भएको थियो । सो गीतमा पनि संगित राईकै रहेको छ । राइकै संगित केही वर्ष अघि अन्जु पन्थको आवाजमा रहेको ‘म हारे’…बोलको गीत गीतकार खनालले सार्वजानिक गर्नु भएको थियो । गीतकार खनाल राष्ट्रिय खेलकुद परिषदका पूर्व सचिव हुनुहुन्छ ।
