दमौली खबर संवाददाता
दमौली, माघ २९
अतिरञ्जिना पुर्ण समाचार सामाजिक सञ्जालमा प्रेषित हुनु दुःखद भएको व्यासका प्रवक्ताको भनाई रहेको छ ।
पवक्ता तथा वडा नम्बर ६ वडाध्यक्ष जीवन गुरुङद्धारा शनिबार जारी विज्ञप्तीमा सो भनाई सार्वजानिक गरिएको हो । ‘व्यास नगरपालिका भित्र भएका विगत केहि समयमा देखिएका कर्मचारीहरु विचका शैलीजन्य समस्याहरुका बारेमा सामाजिक सञ्जालका टिका टिप्पणी र केहि राजनैतिक दल, युवा संघ संगठनबाट राखिएका जिज्ञासाका सम्बन्धमा नगरपालिकाको ध्यानाकर्षण भएको छ’ विज्ञप्तीमा भनिएको छ । स्थानीय सरकारलाई कमजोर बनाउने र व्यक्तिपरक गुण दोषका अनुमानका भरमा अतिरञ्जिना पुर्ण समाचार सामाजिक सञ्जालमा प्रेषित गर्ने कार्य दुःखद भएको उल्लेख गरिएको छ ।
व्यास नगरपालिका भित्र घरबास नभएका कर्मचारीहरुलाई काम विशेषका आधारमा दिइएको घरभाडा, अतिरिक्त सुविधाहरु पुर्नविचार गर्न २०७९ असार महिनामा भएको नगरसभाबाट कटौति गरी सकिएको जनाइएको छ । कर्मचारीहरु विच द्वन्द सृजना भएको भनी लेखिएका समाचारहरुमा सत्यता नभएको प्रवक्ता गुरुङले विज्ञप्तीमा उल्खेख गर्नु भएको छ । हरेक वर्ष महालेखा परिक्षण कार्यालयबाट लेखापरिक्षण हुने र लेखापरिक्षणबाट औंल्याइएका सुझाबहरुलाई नगरपालिकाले कार्यान्वयन गर्दै आएको विज्ञप्तीमा उल्लेख गरिएको छ । ‘यस नगरपालिकामा कार्यरत सबै तहका कर्मचारीहरुको सम्मान, सुरक्षा र स्वाभिमानको रक्षा गर्ने दायित्व नगरपालिकाको र एक्काइसौं शताब्दीमा सबैले सबैका प्रति मानविय आधारमा सम्बन्ध राख्न जरुरी छ’ विज्ञप्ती जनाईएको छ ।
आफ्ना बोली, वचन र शैलिले सृजना भएको समस्यालाई सिंगै संस्थाका प्रतिको नियत भनि मनगढन्ते टिप्पणीहरु गरिनु दुःखद उल्लेख गरिएको छ । साथै सो विज्ञप्तीम्ँ नगरपालिका भित्र सृजना भएका समस्याहरु समाधान गर्न नगर कार्यपालिकाका जनप्रतिनिधिहरुमा ऐक्यबद्दता रहेको र विभिन्न आधारमा प्रयासहरु भइरहेको सम्बन्धित सबैमा अनुरोध छ, साथै सबैलाई संयमित भई आम नगरवासीको सेवामा लाग्न अनुरोध गर्दछौ’ भनि भनिएको छ ।
